زغاريد شاميه

السلام عليكم ورحمة الله وبراكاته


حبيت احكي وفرجيكون كيف عنا افراح يلدي وحبيبتي الشام وانشاالله ينال اعجابكم
وبخليكم مع كلمات فرح الشامي



للأفراح عند النسوة الدمشقيات زغاريدها..وللزغاريد اسم في اللهجة

الشامية هو "الزلاغيط"، ومفردها "زلغوطة"... والزلغوطة ترديد

جماعي بأصوات نسائية مسبوقة بعبارة "أوها" وملحوقة بـ "لي لي لي

لي ليش" وهي تقال بأصوات عالية وبنغمة واحدة لا تتغير... ومن

الزلاغيط المعروفة في دمشق:


أوْها بِـبيـتنا رمّـانـة أوها حـامضـة و لفّـانـة
أوها حَـلَفْنا ما نقطعـها أوها ليدخل عريسنا بالسلامة
لي لي لي لي ليش


أوها ديـارنا كـبـيـرة أوها ودَرَج الحـمام فيـها
أوها وأم العريس فرحانة أوها إن شاء الله ربي يهنّيها
لي لي لي لي ليش


أوها "فلان" يـا واحـد أوها "وفلانة" يـا اتنيـن
أوها اللي ما يصلّي عالنبي أوها لـيعـدم العـينتيـن
لي لي لي لي ليش


أوها عاللّعْلَعي اللّعْلَعـي أوها يا صـبايا تجمّـعي
أوها يا ليل طول طـول أوها ويا شمس لا تطلعي
لي لي لي لي ليش


أوها حَصَّنتك بياسـيـن أوها ويا زهـر البسـاتين
أوها يا مصحف صـغير أوها على روس السلاطين
لي لي لي لي ليش


أوها شـو هالنهار اللايـق أوها وفرحتلنا الخـلايق
أوها وطقت قلوب الأعادي أوها ولَمّن حقت الحقايق
لي لي لي لي ليش



أوها ويا جماعـة كلكُـن أوها وما نسـينا فضلكُـن
أوها والـيــوم عـنّـا أوها إنشاء الله بُكرة عندكُن
لي لي لي لي ليش


أوها يا ما قعـدوا جنبـي أوها ويا ما حرقـوا قلبي
أوها وقالوا فلان ما بيتجوز أوها تجوّز وربي نصرني
لي لي لي لي ليش


أوها يا صحـن حليـب أوها وكل ما برد بيطيب
أوها نحـنـا أهـليـة أوها وما في حدا غريب
لي لي لي لي ليش


أوها العريـس يا واحد أوها وعروسته يا اتنيـن
أوها يـا خـرزة زرقا أوها تـردّ عنهن العيـن
لي لي لي لي ليش


أوها يا عـريـس لا تعبـس أوها افريد هالبقجـة والبـس
أوها شواربك عروق الريحان أوها وسوالفها عروق النرجس
لي لي لي لي ليش

تستمر النسوة في إحياء فرحتهن.. فيغنّين ويطربن ويرقصن.. ولعل من

أكثر الأغاني الشعبية شيوعاً في مثل هذه المناسبة أغنية "اسم الله..

اسم الله يا زينة".. وفيها تغني معظم الحاضرات بأداء اللازمة:


اسم الله.. اسم الله يا زينة يا وردة جـوّا الجنينة
زهر القرنفل يا عروسة يا ورد خـيّـم عـلينا

وتنفرد إحداهن بأداء مقاطع الأغنية. وكلما أدت مقطعاً، كررت الأخريات

اللازمة السابقة:


قـومي العبي بحبل اللولو وافردي شعرك على طولو
خليهـن يحكـوا ويقولوا آه يا حـلاوة يا شـامية

قومي العبي بعرق المضعف وأنا لأجـلك رح بضعف
ولو حـلفـوني عالمصحف ما بفوّت هواكِ يا زينـة

قـومي العبـي بحلقاتـك رايـات البيـض راياتك
الله يخلـي لـك حماتـك آه يا حلاوة يا عسـلية

قـومي العـبي بقميصـك كل العرسان على كيسك
الله يخلـي لـك عريسـك أبـو عـيـون عسـلي

كما توجد اغاني أخرى جميلة في مثل هذه المناسبة منها

*** عالصالحية ***

عالصالحية يا صالحة .. لا تقولوا لي وينك يا صالحة

ما غمضت عيوني من مبارحة .. لشوفة حبيبي أنا رايحة

جبلي و جبلي يا دادا جبلي .. حلق الالماس إنشا الله يلبقلي

حاكاني شي لا و الله .. زعلني شي لا والله .. و أنا لعندو رايحة

عالصالحية يا صالحة .. لا تقولوا لي وينك يا صالحة

ما غمضت عيوني من مبارحة .. لشوفة حبيبي أنا رايحة

جبلي و جبلي يا دادا جبلي روب الحرير إنشا الله يلبقلي

نسيني شي لا و الله .. لوعني شي لا و الله .. و أنا لعندو رايحة

عالصالحية يا صالحة .. لا تقولوا لي وينك يا صالحة

ما غمضت عيوني من مبارحة .. لشوفة حبيبي أنا رايحة

*** ليموني هالليموني ***

ليموني عالليموني شامي و الله

و أنا حبابي ظلموني يا دخيل الله

يا لابس الألماس قلبك قاسي

ما بدي وجع راسي خافي من الله

يا لابسة الزهري لا تنقهري

ما بنساكي طول عمري صدقيني و الله

شفتا بدق بعودها دخل وجودها

الورد مفتح بخدودها خافوا الله

يا شاكل النرجس قطفك يحرز

و عيونك سور بتغمز يا سلام و الله

ليموني عالليموني شامي و الله

و أنا حبابي ظلموني يا دخيل الله




العراضة الشامية

تتم حفلة التلبيسة الخاصة بالعريس في منزله... يرتدي العريس هناك

ثيابه الجديدة.. ويحلق الحلاق ذقنه ويعطره وسط رفاقه.. الذين يهتفون

بعبارات خاصة بالمناسبة.. ويرافق كل ذلك وخزه بالدبابيس كنوع من

المداعبة. وكلما ارتدى العريس قطعة من ملابسه الجديدة

يصيح الشباب:

"صلوا على محمد... مكحول العين... ونير وغضير... وعادينا... وهيه!"

وعندما يحين الموعد المتفق عليه يتوجه العريس في موكب خاص إلى

دار العروس فيشكل الشباب العزّاب عراضة في المقدمة يليهم لاعبو

الحَكَم وأهل العريس ووجهاء الحي يتوسطهم العريس نفسه وحوله

حملة الفوانيس ويليهم بقية المدعوين. ويستغرق انتقالهم بعض الوقت

بسبب الأهازيج والعراضة التي يردد فيها الشباب وصفات خاصة

بالمناسبة، منها:

شـن كليلة شـن كليلة شو هالليلة ... شو هالليلة
مـن هالليلة حمل السلة ومن هالليلة صار له عيلة

الله يعينه على هالليلة!

عريـس الزين يتهنّـى يطلـب علينا ويتمـنى
عريـس الزين يا غالي أفديه بالـروح والمال

يا عريـس كفّك محنى يا عريـس كتر ملبّس

يا سـباع البـرّ حـومي اشـربي ولا تعـومي
اشـربي من بير زمـزم زمـزم عليها السـلام
ويا سلام اضرب سـلام عللي مظـلل بالغـمام
الغـمـامـة غـمتـو غـمتـو ومـا لمتـو
غمتـو خـوفـاً عليـه وعلينـا ... وعـليـه
وعلـى من زار قـبره وعلـى من حـج إليه

وبين كل فترة وأخرى، يقف الموكب ويردد "قوّال" العراضة: "يا أهل

العدية... يا أهل العدية... يا سامعين الندية"

فيجيب الشباب جميعاً: هيه!

فيقول: الله لا يقطع لنا ولا يقطع لكم ذرية... بجاه النبي محمد خير

البرية... وإن كانت راية وراية عريسنا وبيّض الله.

فيجيب الجميع بلحن معين: وجهوووووه...

وعند الوصول إلى مدخل دار العرس (أو إلى بيت العروس) تشتد

عزيمة الشباب.. وترتفع الأصوات بالهتافات: "جينا جينا جينا... جبنا

العريس وجينا"... وتختلط الهتافات مع زغاريد النسوة...

تسلمى كندوشه موضوع حلو اوى وانا بحب اوها دى جدا



عقبال عرسك يارب

يسلمو مروركم صبايا كلكون زوء وعقبالكون يارب

كيندا يسلم يديكي موضوع اكتر من رائع وجد انا كان بدي كم زلغوطة لعرس اخي اخدتهم هلئ من موضوعك



وفي زلغوطة انا بحبها كتير اويهاااا وعريسنا سيد الرجال اويها يا ركن الدار وحاميها اويها امير جبينك

ما بينطال بجناحك ضمها وحميها


هي من تأليفي ال يعني هههههههههههه


مشكورة كيندااااااااااااا






اويها شارل يا واحد اويها وريم يا تنين اويها ولي ما بحبكم اويها ينقلعوا عيونه لتنين

للللللييييييييييششششششششششششششششش هي بدي قولها بعرس اخي يقبر قلبي

ههههههههههههههههههههههه
مشكور ةكتير كتير،،
ماننحرم من طلتك،،

يسلمو لرونس عالرد وست الكل نشالله مبروك عرس اخوكي وتفرحيي بولادك يارب وماتنسي تعزميني .. هههههههههههه ورودي كللك زوءءءءءءءءءء

الله يسلمك يا زوءءءءءء وعقبال عرسك يا قطه