تعرف على اعضاء كلنا سوى المميزين مع Admin_faytraaa

عائلتى المميزة النهاردة اليوم ضيفنا ضيف غير اعتيادى

ضيفة متميزة بالهدوء والرقة محبوبة كتير

حضورك راقى سواء بالشات او المنتدى

تعاونها واخلاص لجميع معروف بتحب الكل والكل بيحبها

كتير بيسالوها شو قصة اسمها لانك كتير مميز وغريب

هى اكيد هتحكى لكم السر

ضيفتنا
Admin_faytraaa

يلا فتفت نبلش الاسئلة

اتفضلى ارتاحى

اسمك ،سنك ،مهنتك ؟

( يقولون أن الحياة الدنيا عبارة عن فلم أو مسرحيه وكلنا نمثل فيها أدواراً قد تكون بإختيارنا أحياناً أو أنها فرضت علينا.....))
إذا كنت توافق على هذة المقوله فأي دور تلعبه أنت ؟؟

ماهى الصفه التى تمنيتها وهى ليست موجوده فى شخصيتك ؟؟

حين...تحاول دموع مختبأة في عينيك..إعلان الحضور.. وتقرر أن تذرف ألمها... هل يا ترى تتركها؟؟؟ أو.. ما الذي تفعله؟؟؟

شخصيه لا يمكنك الاستغناء عنها في حياتك ؟؟

أمام من تجد نفسك ضعيفا ؟

رسالة اعتذار لمن تقدمها ؟

لمن تهديها أو لمن ستقدمها
بطاقة حب
بطاقة عتاب
ثلاث زهرات
عطر غالي
عطر رخيص
قنبلة ذرية

شيء فقدته وعرفت قيمته ؟

أذكر لنا اسم قصيدة تعشقها , واسم شاعر مفضل لديك ؟

من هو الرجال المثالى بنظرك ..؟

ما هو الشـيء الذي يثير غضبك ؟

ما هي أسوأ عاداتك ؟ وما هي أفضلها .. ؟

يلا شباب وصبايا لا تقصروا

نيرو يسلمو عالتقديم الرائع يلي قدمتيني فيه

ما عرفت حالي

نيرو حبيبة البي انا بشرفني كون معكن وبيناتكن

وبزيدني شرف كون مشاركة بموضوعك,,,

احلى ضيفة

كتير بحبا
وبحسا قريبة لقلبي كتير

اطيب قلب واحلى احساس
لطيفة ورقيقة وحبابة وقلبا كبير بيساع الكل

فتفوتة قلبي دايما بقلا لاني بحسا جد قطعة من قلبي

يلا فتفوتي حنبلش اسئلة

ما حغلبك كتير

بس شي اتلطعش مليون سؤال خخخخخخخخخخخخ

فتفوتي
اول شي
مين اقرب شخص الك بالحياة

مين بتفضلي يمسح دمعك

انتي مرتبطة

احلى اسم بنت وشب

اصعب موقف اتعرضتيلو بحياتك

هموم فتوتة قلبي

انتي راضية بشغلك

شو كنتي بتتمني تدرسي لما كنتي صغيرة

شو طموحك للمستقبل

احلى ايام المدرسة بأي مرحلة كانت

ايمت بتتعرضي للاحراج

شو اكتر غنية بتحبي تسمعيا واد ما سمعتيا ما بتشبعي منا

لمين بتحكي اسرارك

هل بتفضلي بالشب المال او الجمال

شو رأيك بالزواج المبكر للبنات

شو بيصرلك اذا غاب النت عنك يوم واحد

ايمت بتنزل دمعة فتفوتي

شو بتعملي وقت تعصبي

شو رأيك برموش
ايجابيات وسلبيات بليززززززززز

امممممممممممممم
بلد بتتمني تسافريلو

كنتي شقية لما كنتي بعمري

شو افظع شغلة ساويتيا وانتي صغيرة

شو اللون المفضل عندك

انو اكتر سمايل بتحبي هون

يلا حاجة

ولييييييييي شو كترت اسئلة

بتمنالك كل حب ونجاح حياتي فتفوتة والله يوفقك بحياتك

شكررررررررررا نيرو
دايما متميزة

تحيااااااااااااتي

نيرو شكرا عالشوكولا والعصير

اسمك ،سنك ،مهنتك ؟

اسمي اماني عمري 28 وبشتغل مبرمجة كومبيوتر

( يقولون أن الحياة الدنيا عبارة عن فلم أو مسرحيه وكلنا نمثل فيها أدواراً قد تكون بإختيارنا أحياناً أو أنها فرضت علينا.....))

إذا كنت توافق على هذة المقوله فأي دور تلعبه أنت ؟؟

بوافق اكيد وبحب العب دور الشخص يلي بتهمو الرتوش الاخيرة من المسرحية يعني لازم اخر شي كلو يطلع زابط وحلو وتمام ,,

طبعا هاد الشي ما بعني اني ما بهتم بالتفاصيل المبدئية بس يعني المهم النهاية يكون كلو تمام عند بدء العرض ,,

ماهى الصفه التى تمنيتها وهى ليست موجوده فى شخصيتك ؟؟

يمكن كون قوية اكتر من هيك,,

حين...تحاول دموع مختبأة في عينيك..إعلان الحضور.. وتقرر أن تذرف ألمها... هل يا ترى تتركها؟؟؟ أو.. ما الذي تفعله؟؟؟

دموعي عاطيتا حرية تااااامة ايمتا ما بدها بتنزل بدون سابق انذار ,,

شخصيه لا يمكنك الاستغناء عنها في حياتك ؟؟

عائلتي ,,

أمام من تجد نفسك ضعيفا ؟

أمام دموع أمي ,,

رسالة اعتذار لمن تقدمها ؟

لكل الناس يلي غلطت بحقون مع اني ما بعرف حدا منن بس الله اعلم بالقلوب ,,

لمن تهديها أو لمن ستقدمها

بطاقة حب لكل اعضاء كلنا سوا

بطاقة عتاب للاعضاء يلي ما عم يعطو سامر حقو بعد كل هالتعب يلي تعبو بالموقع ,,

ثلاث زهرات زهرة لصبايا المنتدى وزهرة للشباب وزهرة لانس ابن نعومة لانو ازغر واحد معنا هون ,,
عطر غالي لانسان غالي

عطر رخيص ما بقبل اعطيه لحدا

قنبلة ذرية برميا عاليهود بس مو على ارض فلسطين الغالية باخدن لمكان بعيد ,,

شيء فقدته وعرفت قيمته ؟

كل يوم بفقد الوقت وبعرف انو قيمتو غالية ,,

أذكر لنا اسم قصيدة تعشقها , واسم شاعر مفضل لديك ؟

قصيدة يحبني كثيرا لنزار قباني

بحب محمود درويش

من هو الرجال المثالى بنظرك ..؟

يلي بيحترم المرأة ,,

ما هو الشـيء الذي يثير غضبك ؟

قلة الحياء بجميع معاني هالكلمة ,,

ما هي أسوأ عاداتك ؟ وما هي أفضلها ..

اسوأ شي النوم بعد الاكل

افضلها ما بعرف انتو احكمو,,

احلى ضيفة

كتير بحبا
وبحسا قريبة لقلبي كتير

وانا بحبك والله تسلميلي كلك زوء

اطيب قلب واحلى احساس
لطيفة ورقيقة وحبابة وقلبا كبير بيساع الكل

فتفوتة قلبي دايما بقلا لاني بحسا جد قطعة من قلبي

يسلم قلبك يااارب

يلا فتفوتي حنبلش اسئلة

ما حغلبك كتير

اي واضح خخخخخخخخخخخ

فتفوتي
اول شي
مين اقرب شخص الك بالحياة

اختي

مين بتفضلي يمسح دمعك

ايدي

انتي مرتبطة

لاء

احلى اسم بنت وشب

بحب اسم براء واسم رؤى

اصعب موقف اتعرضتيلو بحياتك

لك الحياة كلا مواقف صعبة بس اصعب موقف يوم يلي بدي خبي عن امي مرض خالتي الله يرحما

هموم فتوتة قلبي

ااااااااااااااااااااخ همومي

اجمالا مو كتير مهمومة بس بحس انو الدنيا هم يعني هم الشغل وهم الدراسة وهم انو الانسان يكون دائما منيح وهم الخوف من المستقبل ,,

انتي راضية بشغلك

الحمد لله

شو كنتي بتتمني تدرسي لما كنتي صغيرة

ما كنت بعرف كتير خيارات بس انا كتير مبسوطة هلئ بالمجال يلي اخترتو

شو طموحك للمستقبل

يكون الي بصمة حلوة وين ما كنت وحقق ذاتي بمحل ما بكون

احلى ايام المدرسة بأي مرحلة كانت

الثانوية

ايمت بتتعرضي للاحراج

وقت ما بتوقع الموقف يلي بنحط فيه ,,

شو اكتر غنية بتحبي تسمعيا واد ما سمعتيا ما بتشبعي منا

وهيي عاملة ايد دي الوئت

لمين بتحكي اسرارك

لرفقاتي المقربين

هل بتفضلي بالشب المال او الجمال

لا هي ولا هي في كتير امور اهم ,,

شو رأيك بالزواج المبكر للبنات

انو ساعة بالزبط بتئصدي خخخخخخخخخ

يعني المبكر الو مساوئ والو محاسنو اسمالله هلئ ماعاد ينخاف عالبنت اد ما كانت زغيرة بتطلع اد عشر رجال بس اكيد مو تحت العشرين ,,

شو بيصرلك اذا غاب النت عنك يوم واحد

عادي بشتغل شي تاني ,,

ايمت بتنزل دمعة فتفوتي

وئت بتحس لازم تنزل بتنزل

شو بتعملي وقت تعصبي

بصمت

شو رأيك برموش
ايجابيات وسلبيات بليززززززززز

ههههههههههههههههههه رموش امورة ودمها خفيف وحضورا لزيز

بناء على طلبك سلبياتا انو لازم تهتم اكتر بالشات متل ما بتهتم بالمنتدى كرمال يقوى ويكبر,,

بلد بتتمني تسافريلو

مكة اول شي بعدين تركيا ,

كنتي شقية لما كنتي بعمري

لاء انا طبعي هادي كتير ,,

شو افظع شغلة ساويتيا وانتي صغيرة

ولي افزع شي من انو ناحية حددي بليززز ,,

شو اللون المفضل عندك

اصفر بحبو والموف كتر كمان

انو اكتر سمايل بتحبي هون

هاد

بحب البكلة يلي حاطتا هههههههه

يلا حاجة لا كمان مشان الله خخخخخخخخخخ

ولييييييييي شو كترت اسئلة لا من عيوني رموش نورتي

بتمنالك كل حب ونجاح تسلمي يارب الله يوفقك بحياتك يا رب,,

شكراً ئلك نيرو

تقديم حلو بيليئ بضيفه رائعه متل الأخت فتفت

فتفت مو بس رائعه

نجمه من نجوم هالعيله الكريمه

نوووورتي الموضوع فتفت

وراجعلك طولي بالك

خدي نفس لشوووف

اماني نورتي الكرسي متل عادتك دائما

كل انسان بيحط هدف قدامه وبيسعى لتحقيقه شو الهدف الي عمتسعى اماني لتحققه

شو اكتر شي بيزعجك بحياتك اليومية

شو رايك بالموقع ككل شو فيه ايجابيات وشوفيه سلبيات مع العلم انه ما في شي بهالحياة كامل وكل شي الو سلبيات

ممكن تكتبي اسم عشرين عضو وعضوة من المنتدى وتقولي لكل واحد صفة ايجابية فيه وصفة سلبية فيه حسب رؤيتك انتي

لو استلمتي ادارة الموقع شو اول شي بتغيريه وشو بتضيفي وشو بتحذفي من الموقع

شكرا نيرو متالقة دائما

شكرا الك كتير نيرو على هل موضوع الحلو

والله فكرة حلوة كتير

مشكووورة كتير نيرو

تقبلي مروري

شغــــــــــــــــ شقاوة ـــــــــــــــل

زائر

بدي ارحب كتير باحلى اخت هون ..اماني(ادمن فايترة)...

و اقلها الله يكون بعونك و انتي اااعدة عهالكرسي..ولاني حاسة فيكي Very Happy

رح اسهل الاسئلة ..

1-ماهي الميزه التي تمتلكيها ولا يعرفها معظم الناس عنك؟

2-لوكانوا سيعملون من قصة حياتك فيلم .. ماذا سيكون عنوانه؟

3-شو اجمل كتاب قرأتيه؟

4-هل بتطالعي مجلات بوقت فراغك...و اذا الاجابة بنعم ..شو اسم مجلتك المفضلة؟

5-اذا تمكنتي من تغيير عادة معينة من عاداتك...اي عادة بتغيري؟

6-اذا بدك تلبسي عدسات لاصقة ملونة...اي لون بتخناري..؟ Very Happy

7-هل بتفكري تكملي دراسات عليا (ماستر و دكتوراة)؟؟

هاد اللي ببالي لهلاء...بتمنى ما اكون صعبت الاسئلة...

مع التحية

تقديم حلو بيليئ بضيفه رائعه متل الأخت فتفت

تسلم اخي حلبي والله رائعة بوجودي بينكن

فتفت مو بس رائعه نجمه من نجوم هالعيله الكريمه

متل ما قلت عيلة نجوم الله يخلينا دائما كلنا سوا

نوووورتي الموضوع فتفت

نورك والله ونور كل الحبايب ,,

وراجعلك طولي بالك خدي نفس لشوووف

محضرة حالي واخدة نفس شرفو لشوف اخرتا معكن ,,

فتفت هون مو معقول

وانا عم قول ليش منور الكرسي

طيب رح نبلش اسئلة فورا

1- شو معنى اسمك فايترة وليش اخترتيه

##########################

2- كم اخ واخت الك وشو ترتيبك بالعيلة

###########################

3- شو رايك بالموقع والشات يعني ممكن نصعد للمراتب الاولى بين المنتديات

############################

4- اماني انتي بتشتغلي مبرمجة كومبيوتر بس وين يعني بشركة خاصة او بدائرة حكومية

#############################

5- اديه بتاخدي راتب كل شهر

#############################

6- شو مواصفات فارس احلامك

##############################

7- موقف طريف مر معك

############################

8- عضو لو غاب بيترك وراه فراغ كبير ؟؟؟

##############################

9- اكتر اكلة بتحبيها

#############################

10- اماني فتاة طموحة عارفة شو بدها وبتوضع اهداف لنفسها وحققت طموحها

انتي راضية عن اللي حققتيه لهلاء ولا لسا في طموحات تانية

#############################

11- شو اسم مدرستك الابتدائية والاعدادية والثانوية

##############################

12- دراستك الجامعية كانت هندسة كومبيوتر ولا شو ؟؟

##############################

يالله حاجتك لهون شنو الشاحنة التانية عالطريق

بتمنالك التوفيق من كل قلبي فتفت لنا عودة انشاء الله

اماني نورتي الكرسي متل عادتك دائما

منورة بوجود ك أنس بيناتنا بهالمنتدى ,,

كل انسان بيحط هدف قدامه وبيسعى لتحقيقه شو الهدف الي عمتسعى اماني لتحققه

عم أسعى إني كون ناجحة بعملي وبعائلتي وبكل مكان بكون فيه ,,

بحب اتميز بمجال شغلي وواكب كل شي جديد فيه مع انو كتيررر صعي مجالي

بس الحمد لله ,,

شو اكتر شي بيزعجك بحياتك اليومية

الفيقة بكير

شو رايك بالموقع ككل شو فيه ايجابيات وشوفيه سلبيات مع العلم انه ما في شي بهالحياة كامل وكل شي الو سلبيات

الموقع ماشالله هلئ صار منيح ما رح قول ممتاز لانو لسا ناقصو كتير

رأيي الاعضاء نشيطين ومتابعين بشكل يومي للمنتدى

والمواضيع كمان مفيدة ومتنوعة نوعا ما ,,

اما السلبيات بظن يمكن لازم يكون في اقسام اكتر بالموقع ,,

لازم يكون في تشجيع اكتر للاعضاء يلي بلشو يساهمو بالموقع ,,

صاير المنتدى روتيني اجمالا يعني نفس الاعضاء بيكتبو نفس الردود

ما في مساحة للنقاش بالمنتدى حتى بوجود بعض المواضيع يلي بتناقش امر معين

منلاحظ انها مهملة او انو الردود عليها روتينية ,,

انا اهتميت اكتر اني قول السلبيات لانو هاد هو الشي يلي بطور الموقع وبكبرو

انو نحكي بالسلبيات ونناقشها ونحاول نلاقيلا حلول ,,

بما انو الشات بتشكل جزء كبير من الموقع

انا برأيي سامر بذل كتير جهود مشان الشات بس الاعضاء ما قدرو هالاهتمام وما قدرو هالجهود

كلو بيسعى يكون أدمن أو هوست أو بيدخل ليعمل مشاكل وخناقات

ياجماعة الشات للتسلاية والرواق ويلي مزاجو مو رايق في يبقى بالمنتدى ليروق

تاني شي سواء كنت ادمن او هوست او حتى يوزر فأنت ملك هون

نحنا كلنا سوا يعني كلنا متل بعض ,,

بما انو طولت السيرة وطولتا رح وجه نداااء من هون

يا جماااااااعة بس قدرو جهود هالشخص يلي جمعكن سوا هون

وياريت الاهتمام بالشات متل مو مهتمين بالمنتدى

سامر انا برأيي تفرض عقوبات عالاشخاص يلي بتواجدو بالمنتدى كل يوم اكتر من خمس ساعات وما بدخلو عالشات الا نص ساعة

تحياتي
شكرا أنس انك سألتني هالسؤاااال لانو فعلا نفسي فش البي واحكي هالحكي ,,,

ممكن تكتبي اسم عشرين عضو وعضوة من المنتدى وتقولي لكل واحد صفة ايجابية فيه وصفة سلبية فيه حسب رؤيتك انتي

عشرين لك انس والله كتاااااار

بس تكرم عيونك

1- أنس : ملك بكل شي , السلبيات : ما لقيت لسا ,,

2- سامر : اروع الناس , طيبتو الزايدة عم تشكل سلبية عليه

3- حلبي : زوء , ما بيعرف يطبخ

4- أمير : متميز , ما بعرف عنو كتير

5- حميكو : متميز بالمنتدى وبالشات , ما لقيت لسا وانشالله غيبتك لخير اخي حميكو

6- ويزارد : نشيط بالشات وبالمنتدى , نسونجي

7_ صليبي :بتلفت نظري ردوده بالمنتدى فيها حس عالي , ما بعرف سلبيات

8 - هوست احمد 25: دمو خفيف , سلبيات انو بنق عالزواج استنى لسا لاحق

أما الصبايا :
9-نيرو : مخلــــــــــــــصة وقلبها تلج , طيبتها الزايدة ورقتها الزايدةةة كمان

10-سيلين : احلا عاشقة , ما بعرف سلبيات

11-ريماس: متألــــــــــقة بحسا أديبة أو شاعرة , مابعرف سلبيات

12-ريم : شو بدي قول طوششششششة (يعني جنان ) , بتحب المشاكل

13-سمسمة : بيعجبني رواقها وهدوءهاااااا , مابعرف سلبيات

14-كندة : بنت امورة , بتزعل بسرعة وما بتلقا مزح ,,

15-ريمي : محبوبة , ما بعرف سلبيات

16-بسمة امل : اصرارها عالشي يلي بدا ياه , ما بعرف سلبيات

17-روز : اسم على مسمى , ما بعرف سلبيات

18-بياعة قمرة عراسي اهل حلب كلن , لما تفوت عالشات بأسماء غريبة

19- نعومــــــــــــــــــــــــــــــــــــتي انعم امورة بالمنتدى بحب القطايف من تحت ايدهاااا

اما السلبيات هي انو كانت تكتب بالعربليزي وضليت سنة لقرأت عاملة قطايف ومكترة بس هلئ الحمد لله راحت هالسلبية

20 - قمر الشات : قمرر نعومة كتير , مابعر ف سلبيات

بتمنى تاخدو رأيي بروح رياضية وما حدا يزعل ,,,

لو استلمتي ادارة الموقع شو اول شي بتغيريه وشو بتضيفي وشو بتحذفي من الموقع

والله سامر ما عم يقصر بالموقع وعم يعمل كل الاقتراحات يلي بتفيد الموقع وبتطورو

بس لو انا استلمت ممكن اني ضيف افكار جديدة عالموقع تكون تشجيعية

يعني مثلا بغير المشرفين كل اسبوع لاسمح للكل انو يهتم ويشارك ويتحفز مع احترامي لكل المشرفين وهاد ما بيعني انو مالهن مناح وعم يشتغلو منيح,,

وبحذف صورة سامر اول شي

شكرا أنس شرفني الرد على اسئلتك

-كندة : بنت امورة , بتزعل بسرعة وما بتلقا مزح ,, Shocked

هلء انا دغري بزعل هههههههههههههههههههههههههههههههههههههههههههليكني زعلن ها
هههههههههههههههههههههههههههههههههههههههههههههههههههههههههه اي منوررررررررررة الكرسي متل مالك منورة الشات عطوووووووووووووول واحلا ززلغوطه لاحلا اموون يلا لشووووووف اوها وقالو فتفت مابتعد عالكرسي اوهااا Razz

قعدت عالكرسي وقلعت عينيهون وللليشششششششششش ههههههههههههههه اي انا مو حابه اسئال مابعرف شو بس بدي قلكشو رائيك انو ترتبطي من عالنت بشخص حبيتيه وبسسسسس

بس مايكون ردي غليز هههههههههههههه نيرو تقديمك لفتفت كتير حلوووووووووووو لانها بتستاهل هيك واكتر احلا فتفتوته بربي Wink

هلاوغلابفيتورة نوووووووووورتي المنتدى،،
انا مروري خفيف لطيف عليكي لانك بتستاهلي كل خير

هالفايترة كتيــــــــــــــــر زوء الله يسعدها

مـــــــــــشكورة فت فت ع ردك ع الاسئلة كلها

شـــرف الــنا تــكــونــي بــيــناتـنــا

احلى وردة بالموقع كلو والله

بااااااااااااك أنا فتفووووته

يلا نبلش

1- شو أكتر فصل بتحبيه بالسنه؟

2- شو أكتر أسم بتحبيه؟

3- اول ما بتفتحي الشات مين بتتمني تلائي أول الشي ( حددي أسم ) ؟

4- شو أكتر موضوع بتحبي تتتصفحي ردودو؟؟

5- شو أكتر صفه بتكرهيها بالشباب اللي بالموقع بشكل عام؟؟

6- شو أكتر صفه بتكرهيها بالصبايا اللي بالموقع بشكل عام ؟؟

7- أكتر هديه فرحتي فيها من مين وشو هيه؟؟

بيكفي هيك

خليها تبين معك

نوووووووورتي أخت فتفت

بدي ارحب كتير باحلى اخت هون ..اماني(ادمن فايترة)...

يسلمو روز الامورة والله انتو اغلى اخوات كمان
و اقلها الله يكون بعونك و انتي اااعدة عهالكرسي..ولاني حاسة فيكي رح اسهل الاسئلة ..

كتر خيرك ,,

1-ماهي الميزه التي تمتلكيها ولا يعرفها معظم الناس عنك؟

انا بظن انو ما بخبي شي عن الناس بس يمكن ما حدا بيعرف اني قوية كتير بس بالحق ,,

2-لوكانوا سيعملون من قصة حياتك فيلم .. ماذا سيكون عنوانه؟

ببساطة فتاااة ..

3-شو اجمل كتاب قرأتيه؟

كتاب عن علم النفس اسمو سيكولوجية المرأة بتمنى كل بنت تقرؤو وكل شب كمان لانو مفيد كتير ورائع ,,

4-هل بتطالعي مجلات بوقت فراغك...و اذا الاجابة بنعم ..شو اسم مجلتك المفضلة؟

انا بطالع مجلات تخصصية بس عالنت لانو مافي كتير عنا نحنا العرب مجلات مفيدة أو حتى مناسبة بس اكتر بحب مجلة العربي الكويتية ,,

5-اذا تمكنتي من تغيير عادة معينة من عاداتك...اي عادة بتغيري؟

بحب كل عاداتي أو يمكن متأقلمة معها مابحس في عندي عادات خرج غيرا ,,

6-اذا بدك تلبسي عدسات لاصقة ملونة...اي لون بتخناري..؟

ما بغير لون عيوني بحبن هيك ,,

7-هل بتفكري تكملي دراسات عليا (ماستر و دكتوراة)؟؟

انا بكل الاحوال هلئ بدرس خلال شغلي لانو شغلي بتطلب هيك يعني بدرس بدون شهادة بس تحصيل معلومات ,,

هاد اللي ببالي لهلاء...بتمنى ما اكون صعبت الاسئلة...

مع التحية

يسلمو روز نورتي واسئلتك كتير خفيفة ولزيزة ميرسي امورة ,,

فتفت هون مو معقول وانا عم قول ليش منور الكرسي

كلو معقول امير

منور بوجود كل الحبايب بكلنا سوا ,,

طيب رح نبلش اسئلة فورا

1- شو معنى اسمك فايترة وليش اخترتيه

هههههه فايترة بالانكليزي fighter يعني مقاتل ومشان التأنيث منحط تاء مربوطة اخترتو لانو كان عندي سمكة حلوة وامورة كتيررر ونوعا كان هيك fighter ولما توفت كنت زعلانة كتير وفتت عالشات لاول مرة لهاد السبب ,,

2- كم اخ واخت الك وشو ترتيبك بالعيلة

نحنا خمس اخوات وانا ترتيبي التانية,,

3- شو رايك بالموقع والشات يعني ممكن نصعد للمراتب الاولى بين المنتديات

اكيد ممكن بس لازم كتير شغل وكتير اصرار اكتر من هيك وخاصة الشات وانا حكيت بهالشي مفصلا بالرد على سؤال ادمن انس ,,

4- اماني انتي بتشتغلي مبرمجة كومبيوتر بس وين يعني بشركة خاصة او بدائرة حكومية

بدائرة حكومية من الاماكن الرائدة بمجال المعلوماتية ,,,

5- اديه بتاخدي راتب كل شهر

يلي الله كاتبو باخدو الحمد لله ,,

6- شو مواصفات فارس احلامك

امممم يكون شب اخلاقو عالية ومتدين ومتفـهم وبيحترم المرأة ,,

7- موقف طريف مر معك

بجاوب عالسؤال لاحقا ,,
8- عضو لو غاب بيترك وراه فراغ كبير ؟؟؟

نـــــيرو أكيد ,,

9- اكتر اكلة بتحبيها

اليبرئ والمحاشي ,,

10- اماني فتاة طموحة عارفة شو بدها وبتوضع اهداف لنفسها وحققت طموحها

انتي راضية عن اللي حققتيه لهلاء ولا لسا في طموحات تانية

الحمد لله انا راضية عن يلي انا فيه الآن بس بكرة انا مو راضية عنو لانو لازم كل يوم يتغير شي ويكبر الطموح ,,

11- شو اسم مدرستك الابتدائية والاعدادية والثانوية

هههههههههههه الابتدائية كان اسما سمية المخزومية والاعدادية نفسا الثانوية كان اسما جلال الشريف ,,

12- دراستك الجامعية كانت هندسة كومبيوتر ولا شو ؟؟

معهد هندسة كومبيوتر ,,

يالله حاجتك لهون شنو الشاحنة التانية عالطريق

امير طول بالك عليي حراام انا
بتمنالك التوفيق من كل قلبي فتفت لنا عودة انشاء الله

شكرا امير

اهلا وسهلا فيك بس بدون اسئلة خخخخ

يلا فتفوتي دوري ماشي يلا منبلش

1_ شو أكتر قناة على التلفزيون بتحبيها ؟

2_ مين أكتر واحد أو وحدة بالمنتدى بتحبيها أكتر الشي ( بصراحة اختاري واحد أو وحدة ) ؟

3_ شو أكتر لحظة بحياتك حبيتيها وبتتمني أنها تتكرر ؟

4_ قبلانة بعيشتك ولا بتحبي أنو تكون أفضل من هيك ؟

5_ مين أكتر فنان بتحبيه ؟

6_ بتتمني أنك تشتركي بمسابقة من سيربح المليون ؟

7_ شو أكتر أكلة بتحبيها ؟

8_ بتحبيني ولا لأ ؟

9_ شو مواصفات حبيب القلب يلي ببتمني فيها ؟

10_ وبالختام السؤال الصعب كتير كتير وهو اذا تقدمتلك للزواج بتقبليني صحيح انا أصغر منك بس معليش شو بتقبليني ؟

بس بكفي ما يلا سلام

أسامة أخو راما

-كندة : بنت امورة , بتزعل بسرعة وما بتلقا مزح ,, هلء انا دغري بزعل هههههههههههههههههههههههههههههههههههههههههههليكني زعلن ها
هههههههههههههههههههههههههههههههههههههههههههههههههههههههههه اي منوررررررررررة الكرسي متل مالك منورة الشات عطوووووووووووووول واحلا ززلغوطه لاحلا اموون يلا لشووووووف اوها وقالو فتفت مابتعد عالكرسي اوهااا قعدت عالكرسي وقلعت عينيهون وللليشششششششششش ههههههههههههههه اي انا مو حابه اسئال مابعرف شو بس بدي قلكشو رائيك انو ترتبطي من عالنت بشخص حبيتيه وبسسسسس

يسلمو كندة احلا صبية

وشكرا عالزلغوتة الحلوة

ممكن طبعا ازا حبيتو رح ارتبط فيه سواء من النت او من غيرا

لاني اكيد ابل ما حبو رح اتعرف عليه منيح

مع انو ما بظن تصير معي

بس مايكون ردي غليز هههههههههههههه نيرو تقديمك لفتفت كتير حلوووووووووووو لانها بتستاهل هيك واكتر احلا فتفتوته بربي

بالعكس كندة مرورك وردك حلو وناعم ولزيز

احلا كندوشة

هلاوغلابفيتورة نوووووووووورتي المنتدى،،
انا مروري خفيف لطيف عليكي لانك بتستاهلي كل خير
هالفايترة كتيــــــــــــــــر زوء الله يسعدها

تسلمي رودي والله انتي الزوء حياتي

يسعدك ربي

-مـــــــــــشكورة فت فت ع ردك ع الاسئلة كلها

شـــرف الــنا تــكــونــي بــيــناتـنــا

احلى وردة بالموقع كلو والله

ويزارد لا شكر على واجب

والشرف الاكبر الي ,,

يسلمو ويزارد كلك زوء

بااااااااااااك أنا فتفووووته

احلا باك حلبي افندي

يلا نبلش

تفضل

1- شو أكتر فصل بتحبيه بالسنه؟

فصل الخريف لا تستغربو بس الجو بكون بجنن وقتا

وبعدين بحسو استعداد للخير والمطر

2- شو أكتر أسم بتحبيه؟

اسم رؤى واسم براء

3- اول ما بتفتحي الشات مين بتتمني تلائي أول الشي ( حددي أسم ) ؟

للصراحة هوست وايت ولف بعزو كتير هالشب

4- شو أكتر موضوع بتحبي تتتصفحي ردودو؟؟

مافي موضوع محدد يلي بيلفت نظري وبحس في مناقشة بالردود بتصفح الردود كلا

5- شو أكتر صفه بتكرهيها بالشباب اللي بالموقع بشكل عام؟؟

الشباب يلي بالموقع على سلامتون كلن زوء بس اكتر شي بحس انن ما ببذلو مجهود بالمنتدى متل الصبايا

6- شو أكتر صفه بتكرهيها بالصبايا اللي بالموقع بشكل عام ؟؟

الصبايا بجننو ما في منن

7- أكتر هديه فرحتي فيها من مين وشو هيه؟؟

اكتر هدية هي حرف اسمي وهو معلق بسنسال على رقبتي دائما

وهو من الماما

بيكفي هيك

خليها تبين معك

والله فضلت على راسي اخي حلبي

نوووووووورتي أخت فتفت

نورك والله يسلمو حلبي عالاسئلة الخفيفة

يلا فتفوتي دوري ماشي يلا منبلش

اهلا وسهلا بلش تفضل

1_ شو أكتر قناة على التلفزيون بتحبيها ؟

اسما national geographic abu dhabi

2_ مين أكتر واحد أو وحدة بالمنتدى بتحبيها أكتر الشي ( بصراحة اختاري واحد أو وحدة ) ؟

سامررر لانو سبب هاللمة الحلوة

3_ شو أكتر لحظة بحياتك حبيتيها وبتتمني أنها تتكرر ؟

اكتر لحظة لما بشوف يلي بحبن سعيدين

4_ قبلانة بعيشتك ولا بتحبي أنو تكون أفضل من هيك ؟

الحمد لله على كل الاحوال بس بطمح لحياة افضل

5_ مين أكتر فنان بتحبيه ؟

عمرو دياب ومااااااااااااااااجدة الرومي حبيبة روحي

6_ بتتمني أنك تشتركي بمسابقة من سيربح المليون Very Happy Very Happy ؟
هئ

7_ شو أكتر أكلة بتحبيها ؟

المحاشي

8_ بتحبيني ولا لأ Very Happy Very Happy Very Happy bounce ؟

لسا ما بعرفك منيح
بس منتعرف انشالله وبتصير من هالاسرة يلي بحبا

9_ شو مواصفات حبيب القلب يلي ببتمني فيها ؟

بكفي انو يكون حبيب القلب

10_ وبالختام السؤال الصعب كتير كتير Very Happy وهو اذا تقدمتلك للزواج بتقبليني صحيح انا أصغر منك بس معليش شو بتقبليني Very Happy Very Happy ؟

هههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههه

بس بكفي ما يلا سلام

أسامة أخو راما

هلا فيك اسامة نورت انت وراما

» تعرف على اعضاء كلنا سوى المميزين مع admin_syriamylove
» تعرف على اعضاء كلنا سوى المميزين معabusamra
» تعرف على اعضاء كلنا سوى المميزين مع ஜReeMஜ
» تعرف على اعضاء كلنا سوى المميزين مع admin_na3oome al2mora
» تعرف على اعضاء كلنا سوى المميزين مع admin neroo