تعرف على اعضاء كلنا سوى المميزين مع روميو وجوليت الموقع (حلبى وسيلين)

بابا وماما جاوبو وينكن بدي اعرف الاجوبه بابا ماما
ماما انت ي بتحبي بابا من ايمتا ؟
وشو اكتر شي بيعجبك فيه ؟
وشو اسوأ صفاته واحسن صفاته ؟
ـــــــــــــــــــــــــــــــــــــــــــــــــــــــــــــــــ
بابا انت ماما اول بنت في حياتك ؟
ـــــــــــــــــــــــــــــــــــــــــــــــــــــــــــــــــ
جاوبو علي هدولي هلاء
ورح نلتقي بأسئله افضل ولا ممبين عليكن مضنشينا وانتو غرقانين حب وغرام
اخ ما في متلكن انتو بابا وماما
الي اللقاء هلاء
للمره القادمه
فاصل ثم نوااااااااااصل

نيرووووو مشكوره كتير على استضافتي مح حبيبي ونور عيوني
أكتر من مره ئلتلك انه كل الكلام ئليل عليكي
فكره حلوه كتير منك

اسمك ،سنك ،مهنتك
مايا 15-10-1983 26سنه صيدلانيه

( يقولون أن الحياة الدنيا عبارة عن فلم أو مسرحيه وكلنا نمثل فيها أدواراً قد تكون بإختيارنا أحياناً أو أنها فرضت علينا.....))
إذا كنت توافق على هذة المقوله فأي دور تلعبه أنت ؟؟
أكيد أنا مع هالعباره طول عمري بئول انه الحياه مسرحيه وانا من الحضور الي بحضوروا المسرحيه وبنتطروا للنهايه

حين...تحاول دموع مختبأة في عينيك..إعلان الحضور.. وتقرر أن تذرف ألمها... هل يا ترى تتركها؟؟؟ أو.. ما الذي تفعله؟؟؟احيانا بتركها وغالبا لأ حسب الموقف ازا كان فيني امسك حالي ما ببكي

أذكر لنا اسم قصيدة تعشقها , واسم شاعر مفضل لديك ؟ لولاك للشاعر نزار قباني سبئ وهديتها لحبيبي عمار وشاعري المضل نزار قباني

شخصيه لا يمكنك الاستغناء عنها في حياتك ؟؟ بابا

ماهى الصفه التى تمنيتها وهى ليست موجوده فى شخصيتك ؟؟
إني اتحكم بطيبة ئلبي وفكر بعئلي شوي لأن مو كل الناس فينا نسدئهن
_لمن تقول هذة الكلمات
اْحبك الله لايحرمني منك_( أكيد حبيبي عمار)
سامحني _ : كمان عمار لان أحيانا كتير بتركه على أعصابه متل مبارح
كذاب _: ما بحب ئول هالكلمه لحد ما بتتطلع مني
اْكرهك :- الظلم
_مغرور:- الطاووس
_ خليك جنبي :- حبيبي عمار
_ خدعتني :- الزمن
_ جبان:- الخوف






_ماذا تعني هذة الكلمات عند


الكذب :- حبله قصير

_ الخيانة :- بدم كل إنسان مريض

_ الجرح _ ما حدا فينا ما انجرح بحياته

الظلم _ انشا الله كون مظلومه مو ظالمه

الاْستسلام _ الانسان العاجز

الاْمانة_ لم تحملها الجبال رغم ضخامتها



الضعف _ كل واحد فينا مر بلحظه ضعف فيها بحياته ولو ما ضعف ما كان قوي

القوة _ جبروت


الفراق الله يبعده عنا لانه يعني لي الموت

_ الحب أحلى شي بالحياه واصدق لحظه



_متي يعاندك النسيان ..........ومتي يقسو قلبك؟ لما اكتشف أنه كل الي بعمله لشخص ما بستحقه ومو شرط يكون حبيبي هالشخص


_اْحلي موقف صادفكم علي النت واْبشع موقف؟
أحلى موقف لما تعرفت على حبيبي حلبي
ابشع موقف كنت بالشات لحالي واحد كان مئهور مني ئبل بيوم وئلي كلمه من مستواه

غمض عينك دقيقة لو سمحت............................ ماذا طراْ علي بالك وانت مغمض العينين؟
كون حد حبيبي عمار

_لو عاد الزمن الي الوراء ما الذي تحذر منه ............وما الذي تبتعد عنه؟
بتمنى الزمن يعوووود بحذر من اعز رفئاتي

_متي تخجل من نفسك؟
بخجل من كل الناس إلا نفسي


_كلمة صدرت منك وتندم عليها حتي الاْن؟
ما بتزكر ئلت شي ندمت عليه

اْي من العلاقات تندم علي فقدانها ولاتملك ان تعيدها مرة اخري؟
بحياتي ما ندمت على علاقه فقدتها

شيْ كنت تتمني اْن ياْتي اليك وعندما جاء تمنيت ان يعود الحال الي ما سبق؟



-اكثر موضوع لفت انتباهك منذ انشاء المنتدي الي الوقت الحالي مع ذكر الموضوع والسبب؟
موضوعك هاد نيرو لان بخلينا نتعرف على بعض اكتر على الرغم من انه كتير حاولو يتهربوا من الاسئله

_اصعب وقت مر في حياتك ويتمني الا يعود مرة اخري؟
ئبل سنتين لان صفيت وحدانيه بالبيت ما في غير ماما معي

صفة من صفات اللى عندك ويتمني ان يغيرها؟
عنيده كتير

_لمن تهدي هذة الالقاب

القلم الذهب أنتي نيروووووووو
_عضو محبوب ابو سمرررررررره
_عضو مفقود أنوووووووس
_عضو خفيف الدم نعوووووووومه
عضو مزعج مو مزعج مشاكس ريم

_عضو نشيط كيندا

_عضو ماله ثاني حبيبي عمار



_يقال ان( الحقيقة مُــرة) هل واجهتك هذة المقولة في حياتك؟أكيد ما فينا ما حد بواجهه الحقيقه
بس نرجع بنعيش باحلام

_هل تشعر باْن شخصيتك التي تشارك بها في المنتدي تتطابق مع شخصيتك الحقيقية؟
100%

_ايه اْكثر سؤال حسيت ان احابته صعبة لحد دلوقتي؟
شيْ كنت تتمني اْن ياْتي اليك وعندما جاء تمنيت ان يعود الحال الي ما سبق؟ هاد السؤال ورح خلي حبيبي يساعدني بالاجابه

_نفسك توصل لشيء لسة ما وصلتش ليه بس مصمم علي انك توصله؟
لا الحمد الله عندي قناعه كبيره بنفسي ومنها بستمد ثقتي لاني حققت طموح طفولتي
وتحقيق الطموح اثبات الذات

نيروووووووووووووو مشكوره اسمحيلي اشكرك مره تانيه
اسئلتك كانت حلوه وصعبه شوي يا احلى رفيئه
يمكن ما ئدرت أكتب كلام بالاجابه متل الاعضاء التانين
لانه اول شي بحب كون على طبيعتي وما استخدم الغاز بإجابتي على الاسئله
وتاني شي أسفه لان ما بعرف عبر كتير منيح يمكن لانه اللغه العربيه شوي ضعيفه عندي

لك مانووووو يا ضرسانه أي ماما وبابا
مو لنتزوج بالأول بعدين بنجيبك
أي يا عيون ماما راح جاوبك على اسئلتك
ماما انت ي بتحبي بابا من ايمتا ؟
انا بحب عمار من سبع شهور

وشو اكتر شي بيعجبك فيه ؟
شخصيته ئويه كتير رجال يئبر ئلبي شو رجال

وشو اسوأ صفاته واحسن صفاته ؟
اسوأصفاته أنه لما يزعل مني بدلل عليي كتير ليرضه بس شو عليه بيطلعله
أحسن صفاته طيبة ئلبه وحبه الكبير إلي

ـــــــــــــــــــــــــــــــــــــــــــــــــــــــــــــــــ
بابا انت ماما اول بنت في حياتك ؟
يلا بابا جاوب على السؤال

يسلمووووووووووووو بنوتي الصغيره مانووووووووووو
كغى كغى يا مامااااااااااااااااااا

موااااااه يا ماماتي انتي
ان شا الله تتهنو
ويارب يجمعكو ببعض باقرب وقت وتجيبو بنت متلي وتسموها مانو بعد
بس وين بابا ما جاوب علي؟؟؟؟؟؟




( ماماتي تقبري قلبي شو بحبك انا )

وانا بحبك يا بنوتي الصغيره

بابا نايم لانه شغله مسائي بنام بالنهار وبوعى بالليل
بس يوعى برد عليك يا ماماتي

ههههههههههههههههههههههههههه جابو وفرجوني
1- ما هو تعريف الحب ؟

2- هل تؤمن بالحب ؟

3- هل تؤمن بالحب من أول نظرة؟

4-فرق العمر بين الطرفين هل يؤثر على علاقة الحب؟

5-هل ممكن ان تحب أكثر من مرة؟


7-هل للمادة(المصاري) دور رئيسي في استمرار الحب؟

8-نجاح الحب مستحيل أم ممكن , و كم نسبة نجاحه؟

10-أيمكن للحب ان يغير مجرى حياتك؟

11-- البعد أيخفف المشاعر أم يلهب الأشواق؟

12-بوجود الحب أيشترط وجود السعادة؟

13-هل الغيرة ضرورية في الحب و ما دورها ؟
سلبي أم ايجابي؟

14-أيهما أخلص الشب أم البنت؟

15-هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )

16-لما تحب شخص ممكن تتسائل بينك وبين نفسك .. انا ليش بحبه؟

17-ليه ديما كل لما تركض ورا الحبيب يبعد عنك منك ولما تبعد عنومنه بيركض وراك؟؟

18-ليه لما يكون فى اتنين بيحبو بعض كتير تدخل الاهل بيكون سبب فشل العلاقه؟؟
19-هل الحب مرتبط بالخيانه ولا الخيانه غريزه فى الشخص المحب ؟
20-هل الحب قدر ولا هو بايدينا ؟
21-هل نحن قادرين على استمرار الحب من فشله ؟
22-هل الحب عطاء واذا كان كذلك فلمن نعطى؟
23-واذا كنا لانقدر اننا نعطى فهل نتوقف عن الحب ام نحب ولا نعطى؟
24-هل الحب سعاده ام جنون؟
بدي اجابه بكل صراحه وطبعا الأسئله ل الكن حلبي وسيلين يعني انتو الاتنين بتجابو عليها
وكمان الاجابه ما بدي ياها عامه بدي ياها نابعه منك ومنها يعني من وجهه نظركم
والنا عوووووووده باباتي ومااماتي

عن جد الله يسعدكم حلبى وسيلين من كل قلبى بتمنالكم الخير

وانا اول مرة اشترك فى سؤال العضو المميز بس ما فينى افوتكم انتم نجوم

فى كلنا سوى ولازم تتحملو مسئولية النجومية دى وهلأ محضرلكم شوية اسئلة:-

اولا سؤال لحلبى منفرد
ليش كاتب فى اسمك ومو سائل حدا

ثانيا قسم الأسئلة المشتركة

1-ماهو الحلم اللى مستعجل عليه ونفسك تحققه النهاردة قبل بكرة
2-ماهو اللون المفضل اليكم
3-شو كان شكل فتاة احلامك حلبى وشو كان شكل فتى احلامك سيلين
4-وهل وجدت فعلا فتاة احلامك وفتى احلامك
5-بدنا نفرح فيكم ان شاء الله مخططين لهيك ولا لسة
6-ماهى الصفات التى يود كل منكما تغييرها فى التانى
7-هل الحب يصنع المعجزات فعلا
8-شو النصيحة اللى بتنصحوها لكل اتنين بيحبو بعض
9-اذا بدى كون قيص ل ليلى شو اسوى نصيحة من روميو وجولييت

بيكفى هيك ومن قلبى بجد الله يسعدكم ويهنيكم وبدى تتبخرو من عيوننا ههههههههه

وتسلمى احلى نيرو واذا جاوبت بأنى صقر فى القصة فياريت الصقر يكون زى العصفور الضعيف

وتقبلينى بموضوعك

- ما هو تعريف الحب ؟
الحب ما بتعرف يا مانو لان ما في كلام بيوصفه هي كلمه حروفها قليله بداخلها معاني كثيره

2- هل تؤمن بالحب ؟
لو ما كنت بؤمن فيه ما حبيت عمار بالطريئه هاي

3- هل تؤمن بالحب من أول نظرة؟
بالنسبه إلي بؤمن بالحب من أول لقاء عالشات

4-فرق العمر بين الطرفين هل يؤثر على علاقة الحب؟
بالعكس انا بلائي لازم يكون فرئ بالعمر لحتى يتفهموا بعض أكتر

5-هل ممكن ان تحب أكثر من مرة؟
لا الحلو أنه الأنسان يجرب أي شي بحياته بس مره وحده شو ما كان


7-هل للمادة(المصاري) دور رئيسي في استمرار الحب؟
هي آخر هم الحب وما دخلها ابدا باستمراره أو عدمه

8-نجاح الحب مستحيل أم ممكن , و كم نسبة نجاحه؟
إنشا الله ممكن ما فيني حدد نسبه بس أملي بربنا كبير

10-أيمكن للحب ان يغير مجرى حياتك؟
أكيد الحب ببان بعيون الشخص

11-- البعد أيخفف المشاعر أم يلهب الأشواق؟
بالعكس أنا كل يوم عم حب عمار أكتر واشتائله موت

12-بوجود الحب أيشترط وجود السعادة؟
الحب هو السعاده بكل شي فيه حتى مشاكله سعاده

13-هل الغيرة ضرورية في الحب و ما دورها ؟
سلبي أم ايجابي؟
أي لازم يكون غيره لانه إزا ما كان غيره ما بكون حب بالأصل أحيانا بتكون سلبيه لانها بتنهي مشكله والأغلب إيجابيه لأنها بتخلي الطرفين يتعرفوا على بعض أكتر
أنا بالنسبه إلي كتييييييييييييييييير بغار على عمار

14-أيهما أخلص الشب أم البنت؟
إزا كان حب حئيئي الاتنين بكونوا مخلصين
عمار كتير مخلص لان طول الوئت بكون معه

15-هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )
أكيد ممكن أنا حبيت عمار ئبل ما شوفه وتعرفت عليه عالشات

16-لما تحب شخص ممكن تتسائل بينك وبين نفسك .. انا ليش بحبه؟ أي بسأل نفسي هالسؤال
وبئول لعمار أنا عم اسأل حالي ليش بحبك لهدرجه بئلي لأنه ما في حد بحب حد ئد ما أنا بحبك

17-ليه ديما كل لما تركض ورا الحبيب يبعد عنك منك ولما تبعد عنومنه بيركض وراك؟؟
ما عنا هالشي أنا وعمار اتنينتا بنحب بعض ومتعلئين ببعض

18-ليه لما يكون فى اتنين بيحبو بعض كتير تدخل الاهل بيكون سبب فشل العلاقه؟؟
لأنه على رأيهم بنعرف مصلحتكم أكتر منكم

19-هل الحب مرتبط بالخيانه ولا الخيانه غريزه فى الشخص المحب ؟
لا خيانه بالحب ازا كان حب بس الخيانه طبع الشخص مش طبع الحب

20-هل الحب قدر ولا هو بايدينا ؟
الحب قدر

21-هل نحن قادرين على استمرار الحب من فشله ؟
أكيد بئدر نخلي الحب يستمر أنا عندي استعداد حب عمار لآخر لحظه بحياتي

22-هل الحب عطاء واذا كان كذلك فلمن نعطى؟
كله عطاء نعطيه للشخص إلي بستحئ هالعطاء

23-واذا كنا لانقدر اننا نعطى فهل نتوقف عن الحب ام نحب ولا نعطى؟
نحب ولا نعطي

24-هل الحب سعاده ام جنون؟
سعاده وجنون بس أحلى جنون لان ما اله علاج

بدي اجابه بكل صراحه وطبعا الأسئله ل الكن حلبي وسيلين يعني انتو الاتنين بتجابو عليها
وكمان الاجابه ما بدي ياها عامه بدي ياها نابعه منك ومنها يعني من وجهه نظركم

يسلمو كتير مانوووو تأكدي إني جاوبت من كل ئلبي

والنا عوووووووده باباتي ومااماتي

بموتك إزا بترجعي يا ماماتي
بكفي هلكتيني

1-ماهو الحلم اللى مستعجل عليه ونفسك تحققه النهاردة قبل بكرة؟
أنه حبيبي ونو عيوني عمار يكون معي

2-ماهو اللون المفضل اليكم؟
أبيض وأسود ما عم ئلد حلبي بس حب هالالوان كتير

3-شو كان شكل فتاة احلامك حلبى وشو كان شكل فتى احلامك سيلين؟
فتى أحلامي هو عمار سادئ صريح ئلبه طيب بحبني لدرجه بعجز إني اوصفها

4-وهل وجدت فعلا فتاة احلامك وفتى احلامك؟
طبعااااااااااااااااااااااااااا حبيبي عمار

5-بدنا نفرح فيكم ان شاء الله مخططين لهيك ولا لسة؟
اي مخطيين لآخر الصيف

6-ماهى الصفات التى يود كل منكما تغييرها فى التانى؟
انا بحبه متل ما هو ما بدي شي يتغير فيه بحنانه بحبه الكبير بغيرته بكل شي فيه

7-هل الحب يصنع المعجزات فعلا؟
أكيد لان الحب هو المعجزه

8-شو النصيحة اللى بتنصحوها لكل اتنين بيحبو بعض؟
يكون السدئ أساس الحب والصراحه كمان لو كانت مره

9-اذا بدى كون قيص ل ليلى شو اسوى نصيحة من روميو وجولييت
يا أحمد ليلى جننت قيس ئد ما حبها متل ما انا جننت عمار
لهيك احكي للي بتحبه كل الي بئلبك بدون حواجز ولا رتوش ولا مجاملات
حس حالك كأنه بتحكي مع مرايتك
رح تتعب كتير لحتى توصل للي بدك ياه بس بالنهايه راح توصل
انا بئلك مو راح تتعب وبس جاهد كمان لتوصل لهدفك
خلي عندك صبر
راح تتعب بالبدايه وتضحك بالنهايه

أخي أحمد بتمنالك التوفيئ من كل ئلبي
الله يحئئلك مرادك
أختك سيلين

بجد نيرو موضوع اكتر من رائع الله يوفقك سيلين انتى وحلبى ياارب

مرورك الكريم بيشرفنا أخي خالد

وإنشالله ربي يوفئك بدراستك

ويفرحنا فيك يا رب

نورتي الموضوع ئمر

شكرا الك
بتمنالك التوفيئ انت كمان

أخي خالد
شكرا لامنياتك

نورت الموضوع بامنيتك الرائعه

مشكور هرموووووووووووووووووووون

احلى باكووووووووووو نيروووووووو
اسئلي متل ما بدك

يلا نبلش اجوبه:-
شو اكتر شى بتحبه فى سيلين وشو اكتر شى بتحبه فى حلبى؟
ما في شي محدد بحبه بعمار لان كل شي بعمار بينحب أكتر شي بحبه حبه إلي

شو مقدار حبك لسيلين وشو مقدار حبك لحلبى؟
ما بينوصف حبي لحلبي يعني انا بعجز اوصف حبي اله

بتؤمن ان الزواج بيقتل الحب انا شخصيا لا اؤمن بها شو رايكم بهاد العبارة؟
أكيد لا عباره خاطئه لانه الحب هو الي بخلي الزواج يعيش

شو بيمثل الحب اللى جمعكم بالنسبة الكم؟
بيمثل حياتي كلها
بيمثل الهوا الي بتنفسه



اذا لا قدر الواحدة قالت انها بتحب حلبى شو راح تعملى فيها؟
انا ما بعمل شي لان أنا بعرف حبيبي حلبي شو
وازا بيطلعلها تاخد ئلبه ما تئصر

كمان حلبى اذا واحد اجه وقال انه بيحب سيلين شو راح تعمل

برايكم شو اللى ممكن يخلى الحب بينتهى بعد الشر عنكم طبعا؟
ازا حب حئيئي ما بينتهي

امتى يتحول الحب لكره؟
ما بتحول ابدا مستحيل يتحول

شو شايفنى حالكم بعد عشرين سنة؟
اي أحلى أب وأم بالدني كلها
وأحلى حب عم يجمعنا

سيلين بعرف انك بتغارى كتير حلبى مش بيضايق اوقات من هاد الغيرة ولا على قلبه زى العسل ؟
لا ما بدايئ نيرو
لانه الغيره اساس الحب
وانا ما بغار من أي شي وئت غار عليه عالشات بكون امزح معه
هو بعرف ئديش انا بثق فيه
وانا متأكده انه ئد هالثقه



كيف بتتخيلوا بيتكم شو شكله وكام عدد الاولاداللى راحوا يقولولى خالتو وشو اسماؤهم ؟
بيتنا جاهز بس ناطرنا نجتمع فيه
أحلى خاله انتي
ولادنا 3
بدر واحمد وسوزان

قديش تقدروا تضحوا منشان حبكم؟
بضحكي بحياتي كرمال عمار لانه بيستاهل ضحي فيها
بدون مبالغه

اول شي بدي بارك بحبكون انتوا التنين مايا الغالية وعمار الغالي

وتاني شي بدي قول حب مبارك انشاء الله

يلا ع الكرسي لشوف ههههههههههه

كيف تعرفتوا ع بعض

وشو ال خلاكون تحبوا بعض

وشو ال جزبكون لبعض

ووشو اكتر شي شدكون ببعض

وهل جربتوا الحب من قبل وكيف كانت القصة

وماذا تتعهدون هنا امامنا لبعض

وماذا تحبون ان تقولوا كلام مش حاكينوا لبعض

وشو بتوعدوا بعض بالنهاية طبعا انشاء الله تكون كيف


وشكرا ما طولت اسئلة لأني عرفت كل شي انشاء الله

وانشاء الله تكونوا من الناس السعداء بالحياة

حب مبارك انشاء الله




ولا حلبي اهدي هيي قصيدتي لحبيبتك الغالية مايا من( قلمي )ومن قلبك( وقلبي )



حبيبتي كلما جاء فصل الشتاء يزدهر حبنا بأحلى ربيع شتاء بارد

وكلما سمعت صوت الشتاء الحنون اتذكر صوتك الحنون على قلبي
وكلما سمعت سيلان المطر الذي يسيل على الأرض اتذكر حبك الذي يسيل في دمي
وكلما سمعت صوت الرعد القوي اتذكر صوت دقات قلبك المتسارعة وانتي في حضني
وكلما سمعت صوت الأرض كم هيي متعطشة للمطراتذكر تنهيدك العطش الى قلبي
وكل يوم وانتي بعيدة عني يا حبيبتي يتساقط قلبي مثل قطع ثلج على تراب الأرض التي تمشين عليها يا حبيبتي
وكلما سمعت صوت مطر ورعد يناديكي باسمك تذكري ان حبيبك يناديكي وسهر ليال طوال على فراقكي يا حبيبتي
وكلما سقطت عليكي دمعة مطر دافئة تذكري ان دفئ قلب وهب لسماء مطر تنزل على شفتيكي
وكلما شعرتي ببرد شتاء يكون قلبي قارب على التوقف عن الخفقان وانتي بعيدة عني
وكلما رأيتي شجر خريف صامد ومبتسم في شتاء بارد وقاس
تذكري صورت حبيبك الذي يشعر بالبرد القارس ببعدكي عنه وهو صامد ومبتسم على امل ان يراكي يوما
وكلما رأيتي طير وحيد يهاجر سماء الصيف يبحث عن شتاء يبحث عنه طوال عمره وهو يجوب السموات مبتهل
وكلما شككتي في حبي يوما لا تساليني عن حبي لك ف اسألي المطر عن حبي لكي ويقول لكي
يهواكي يا ندى قطراتي

وامانة مني دير بالك عليها عمار الغالي

وانتي مايا كمان ديري بالك عليه لأنوا والله انسان طيب كتير و وحنون



تقبلوا مروري وحبي






مايا الساحرة انا

وعمار ال محشش انا
لك شبني انا ركز ولا هزيم

مع حبببببببببببببببببببببببببببببببي