كان يا مكان في قديم الزمان كان في ملك عادل يطلع متخفي مع وزيره ليتفقد شؤون الرعية وكان ياخد معه صرة من المال ...
اذا وجد محتاج اعطاه ياها واذا لم يجد يأخذ الوزير هذه الصرة ..
ولما كان الملك يمشي بين الحقول شاهد فلاح يحرث الارض في الشتاء فدار بينهما الحوار التالي :
الملك : مرحبا يا ندمان
الفلاح : اهلين يا ملك الزمان
الملك : تلاته وتلاته وتلاته ولقيتك بهالتلاته
الفلاح : تلاته وتلاته وتلاته جابوني بهالتلاته
الملك : كيف الجماعة
الفلاح : اتفرقوا
الملك : والبعاد
الفلاح : قربوا
الملك : والتنين
الفلاح : صارو اربعة
الملك : ثريت بكير
الفلاح : ثريت لكن ثروتي راحت للغير
الملك : الي معي طلطميس لا تبيع برخيص
الفلاح : لا توصي حريص
ورجع الملك مع الوزير على القصر .. وما كان الوزير يوميها يعرف ينام ولما طلع الصبح رجع لعند الفلاح لقاه عم يحرث الارض
الوزير : مرحبا يا اخ
الفلاح : استمر في الحراثة دون ان يرد
الوزير : شوف شو جبتلك معي
الفلاح : استمر في الحراثة دون ان يرد
الوزير : رد بعطيك ثلث المال
الفلاح : استمر في الحراثة دون ان يرد
الوزير :رد بعطيك نص المال
الفلاح : استمر في الحراثة دون ان يرد
الوزير : خود كل المال ورد عليي
الفلاح : عطيني المال ...شو بدك؟
الوزير: بدي افهم شو صار مبارح شو هاد ندمان ومنين عرفت انو ملك مع انه متخفي
الفلاح : ندمان اسم للفلاح ما بيقولو غير الملوك وهالاسم اجا من ندم الفلاح كل سنة لانه بيزرع الارض بيطلع الموسم مضروب بيندم بيقول يا ريتني ما زرعتها
تاني سنة ما بيزرع بيطلع الموسم ممتاز بيندم بيقول يا ريتني زرعتها وكلمة ندمان ما بيقولها الا الملوك من هيك عرفت انه ملك
الوزير: طيب وكمالة الحديث
الفلاح: سألني الملك تلاته وتلاته وتلاته ولقيتك بهالتلاته يعني في ثلاث اشهر بالربيع وثلاث اشهر بالخريف وثلاث اشهر بالصيف ومع ذلك شايفك عم تشتغل بالارض بثلاث اشهر شتاء
جاوبتو :تلاته وتلاته وتلاته جابوني بهالتلاته يعني عندي 3 بنات و3 احفاد ومرتي اختيني اضطروني اني اشتغل بالشتا منشان عيلهم
سألني عن الجماعة : جاوبتوا اتفرقوا لأن كل سن من اسناني صار بديره بعد ما كانوا كلهم مجموعين سألني عن البعاد جاوبتوا قربوا لانو كان نظري حاد شوف لبعيد كتير هلء ما عاد شفت الا عن قريب سألني عن التنين جاوبتوا صاروا اربعة لانو كنت نط على الارض نط هلء بدي عكازات لامشي سألني صار معك ثروة جاوبتوا اي بس ثروتي راحت للاصهرة لانو ما عندي صبيان خبرني انو انت طلطميس وطلب مني ما رد عليك فورا منشان احصل على كل المال جاوبتوا لا توصي حريص .. وعملت بنصيحته
ان شا الله تكون القصة عجبتكم
الإثنين ديسمبر 21, 2009 11:02 am
shw hlfla7 alzky haddd yslamo edek amerrrr 7lweh 
