ابدا نهارك

مساكن ورد وفل وصباحكن ياسمين ومنتور
بما انو ما عرفت وين حط الموضوع فحبيت حطوا هون
هي 10 جمل بتمنا منكن تجربو تشتغلو وحدة او تنتين او أي عدد بدكن ياه لانن بيساعدوكن ليكون نهاركن احسن
1- حاول مرتين باليوم تعقد بمكان هادي الصبح والمسا وما تحكي وبس تشعر بكل شي حولك
2- اطلع ع غياب الشمس او اسماع صوت المي او شم ريحة الورد وفوت بلقاء مع الطبيعة واشعور بالحياة عم تمشي فيك وتمنحك من جمالها واسمحلا تعطي روحك السلام
3- بلش نهارك بانك توعد حالك انك ما رح تحكم ع شي من يلي حيصير اليوم
4- كون الاول بسلسلة عطاء بتبلش بانك تعطي أي شخص ابتسامة او زهرة او دعاء وصدق انو أي شي بتعطيه للعالم رح يرجع حدا يقدملك ياه لهيك حاول ديما تعطي الحب والفرح وحتى اذا ما شخص رح يعطيك ياه الطبيعة رح تردو بزقزقة عصفور حدك او نور من الشمس بيدفي بردك
5- تقبل الحب والاهتمام والعطف والاحترام من الاخرين وعطيون بالمقابل من روحك وفرحك حتى لو بصمت لانك اذا حبيت تعطي رح يفهمو حتى لو ما حكيت
6- خلي ببالك انو افضل طريقة للمستقبل الباهر والمشرق هو ادراكك للحاضر يلي انت فيه وتقبلو بروح حلوة
7- قبل ما تفكر تاخد أي قرار فكر يا ترى هاد القرار رح يحقق الرضا الك ولكل الي حولك استفت قلبك اذا ارتحت امشي بقلب مطمئن واذا لأ فراقب شعورك وخليه ببالك
8- تقبل الاشيا الي حولك والي ما فيك تغيرها متل ما هي وكون قد قراراتك وتحمل مسؤوليتها وما ترمي اخطائك ع غيرك
9- آمن انو كل عسر بيحمل بطياته اليسر والفرصة لتتغير حياتك وتمشي للافضل ثق بالله وبه فقط
10- اوثق بانو الله مانو بحاجة لشي منك واشعور بوجوده بحياتك كصديق بتحبه وبيحبك بتحبو مو رغبة بالجنة ولا خوف من النار بس لانو موجود بحياتك ولانو بيملأ حياتك فرح وطمأنينة ومحبة ولانك تملأه بمحبتك الو ( وسعني قلب عبدي المؤمن )
11- مساكن محبة وايمان

yslamooooooooooo 3ala hlnsay7 al7lweh yslamooooooooooooooooo nshallah b7awl sawy km w7deh lnshwfff [img]URL=https://2img.net/r/ihimizer/i/1277dafd24e3.gif/][img][ندعوك للتسجيل في المنتدى أو التعريف بنفسك لمعاينة هذا الرابط][/img]